شەفەق نیوز/ گوڕانیچڕ وەناوبانگ هەڤاڵ خانەقینی نووترین ڤیدیۆ کلیپ خوەی وە ناو "پەشیمانم" بڵاوکرد.
هەڤاڵ لە بان تووڕ کۆمەڵایەتی فەیسبوک نووترین کار هونەری خوەی ک ڤیدیۆ کلیپیگە وە ناو "پەشیمانم" وە زاراوەی سۆرانی بڵاو کرد، ک لە تێکسە و ئاواز هەڤال خانەقینی و موزیک و کلیپ ئارام سەردارە.
هەڤاڵ محەمەد میرزا، ناسریاگ وە هەڤاڵ خانەقینی، لەداڵگبوی ساڵ 1983 خانەقینە. هەڤاڵ لە ساڵ 2006- 2005 دەس وە گورانیچڕن کەێد شوین خوەی لە میدان و ناودڵ هەوادارەیلی کەێدەو، و خاوەن چەندین گورانی و ڤیدیۆ کلیپە.