شەفەق نیوز/ نازدار جزیری لە هەشمار فەرمی خوەی لە تووڕ کۆمەڵایەتی یوتوب نووترین بەرهەم خوەی وە بونەی رووژ لەداڵگبوینی بڵاوکرد و جویر دیاریگیش پیشکەشی وە هەوادارەیلی کەێد.

نازدار جزیری، لە یاد لەداڵگبوینی بەرهەم نوویگ وەناو "رۆژبونا من" لە چەناڵ یوتیوبەگەی بڵاوكرد، تێكست و ئاواز خوەیە، ئیمرە ئۆزبیلین كار دەرهێنان میوزیك ئەرای ئەنجامدایە، ئەفشین شوكری كار میوزیك و ئەڕێنجمێنتی کردیە.

لەباوەت ئی بەرهەمەیە  لە هەژمار ئینستاگرامەگەی نویسایە "بەرهەمیگ تایبەت وە رووژ لەداڵگبوینم، پێشکەشە وە خوەم و هەوادارەیلم".

نازدار له‌ ساڵ ١٩٨٧ له‌ جزیره‌ی بۆتان له‌ باکوور کوردستان له‌ داڵگبویە له‌ تەمەن شه‌ش ساڵی وەگەرد خێزانه‌گەی ئەرا وڵات ئه‌ڵمانیا چگە و خاوەن بڕیگ ئەلبووم گورانی و ڤیدیۆ کلیپە، دەرچگ بەش دەرویناسییە لە زانکۆی ئەڵمانیا، ساڵ (٢٠١٣) چگە ناو ژیان ھاوسەرگیر و خاوەن دویتگە وە ناو  (کانی).