شەفەق نیوز/ خانمە هونەرمەن گورانیچڕ ئەمەل سەعید کوردە، نووترین بەرهەم هونەریی خوەی وە ناو " شیرینیەکی تاڵ" کرد.
ئەمەل سەعید لە هەشمار فەرمیی خوەی لە فەیسبووک راگەیانییە، "هاتێ یەکەمینجاربوود وەی رەنگ و تۆنە بکەفمە نوای گووش و نوڕین ئیوەی ئازیز، کاریگ نوو و سەردەمیانەس وە ستایلیگ فۆلک لەسەر پۆپ و مۆنۆلۆجی وە ریتمیگ خێرا"
هەر جویر خوەی ئوشێد، کارەگە هەس داڵگ نیشاندەێد هەنای دویەتەی وەرەو ماڵ خوەی وە ری کەێد.
بەرهەمەگە لە ئاواز خوەیە و تێکست مازیار فایەقە، کارزان کامیل کار میوزیک ئەرای کردیە.
ئەمەل سەعید کوردە لە ساڵ ١٩٧٦ لە کەرکوک لە داڵگبویە، لە تەمەن ١٧ ساڵی یەکەمین بەرهەم هونەری خوەی بڵاوکردیە، خاوەن چەندین کار هونەریە.