شەفەق نیوز/ خانمە هونەرمەن گورانیچڕ ئیلایدە مەتین نووترین گورانی خوەی وەناو "دڵی من" بڵاوکرد.
گورانیەگە هۆنراوەی عەبدولقەهار زاخۆییە و ئاوازەگەی هەڵکەوت زاهیرە، کار ئەرەنجمێنتەگەی وەلایەن هێمن حسێنەوە کریایە، هەمیش میکس و ماسترینگی وەلایەن هەڵکەوت زاهیرەو ئەنجام دریاگە.
ئیلایدە مەتین خەڵک باکوور کوردستانە و ماوەی کەمیگە دەس وە کار هونەریی کردیە، یەکەم گورانی دویتیگ بویە وەرد هونەرمەن عەدنان تەیمور چڕینەسێ.