شەفەق نیوز/ ماڵپه‌ڕ "ئه‌ی ئای ڤی ئای" بڵاویكردگە، گورانی ده‌یان گۆرانچڕ عه‌ره‌و له‌بان یوتیوب وە ته‌واوه‌تی سڕیاوە، دۊیای ئەوەگ ئاشكرا بۊە، ک ئاوازه‌گه‌ی دزیاگە و له گورانییگ كوردی ساڵەیل حه‌فتاكان سه‌ده‌ی گوزەشتە بریاگە.
"ئه‌ی ئای ڤی ئای" باس ئەوە كرد، گورانی "طيبة قلبي مشكلتي"، ک له تووڕە كۆمه‌ڵایه‌تییه‌كان وە زوان عەرەوی فرە بڵاوه، بڕێ گورانیچڕ عەرەو ئه‌و گورانیە دووارە کردنە، ته‌نانه‌ت وە زوان ئه‌رمه‌نی و توركی و ئه‌ڵمانییش ئاوازه‌كلگه‌ی وەکار هاوریاگە.
باس ئەوەیش كرد، ئه‌و گورانیە له وە ملیۆنا تەماشای بۊیە، ک چه‌ن گورانیچڕ عەرەو دوواره‌یان کردگە، باوجی وە ته‌واوه‌تی له یوتیوب سڕیانەسەو، لەوەر ئه‌وه ک ئه‌و گورانیچڕە پێشلكاری یاسای موڵكدارییان کردگە.
گورانیەگە له‌لایه‌ن لوئه‌ی موهریج و بیستان ئیسماعیل و چه‌ن گورانیچڕیگ تر وە زوان عه‌ره‌وی چڕیاگە، له ساڵ 2019ـه٦ش له‌لایه‌ن گورانیچڕ عراقی "حسێن غه‌ریب" دوواره کریاگە، باوجی وەبی ئه‌وه‌گ دەسنشان ئەوە بكه‌ن، ک ئاوازه‌كلگه هن كییه.
گورانیەگە له بنه‌ڕه‌تی هن هونه‌رمه‌ن كورد "شڤان په‌روه‌ر"ـه، ک له ساڵ 1976 گورانییگ وە ناو "هه‌ڤالی بارگرانم" بڵاوكردگه، ئەراوە یوتیوب ته‌واوی ئه‌و گورانیە ئه‌رمه‌نی و عەرەوەیلە سڕییه‌و، ک ده‌یان ملیۆن تەماشا داشتگە.