شەفەق نیوز/ 27 ئادار گشت ساڵیگ وە رووژ جەهانی شانۆ دیاری کریایە، لە فرەیگ وڵاتەیل جەهان وە چالاکی شانۆیی گرنگی وەی رووژە دریەێد، لە هەرێم کوردستانیش وە لایەن هونەرمەنەیل و شانۆکارەیل ئی رووژە گرنگی تایبەتیگ دیرێد لەی رووژە چالاکی جۊراجور ئەنجام دەن. 

له‌ ساڵ 1961 له ‌کووبۊنەوەیگ شانۆکارەیل، ک له‌ ڤێنای پایتەخت نەمسا ئەنجام دریا، بڕیار دریا رووژ 27  ئادار گشت ساڵیگ بوودە رووژ جەهانی شانۆ، هووکار ده‌سنیشانکردن ئەو رووژە ئەرا ئەوە چوود، ک له‌و رووژە له‌ پاریس فێستیڤاڵیگ شانۆیی وه‌ناو (ساره‌ برنارت) (1844 – 1923) ئه‌نجامدریا، جۊر رێزیگ ئەرا دۊتە ئه‌کته‌ر فه‌رەنسی کووچکردگ (ساره‌ برنارت) ئی رووژە وە رووژ جەهانی شانۆ ناونریا. 

وەگورەی سەرچەوەیلەی ئەدەبی زیاتر لە 2000 ساڵ وەرجە ئیسە یەکەم شانۆ نمایش کریایە، لە عراقیش ئەرا یەکەمجار ساڵ 1892 یەکەم شانۆگەریی ک شانۆیگ پەروەردەیی بۊ نمایش کریایە،

لەبان ئاست کوردستانیش، گۆران-ی شاعیر یەکەم کەس بۊیە ک زاراوەی شانۆ لە شیعر " جلیوەی شانۆیی"  لە دیوان فرمێسک و هونەر لە ساڵ 1950 وەکار هاوردیە.