شه‌فه‌ق نیوز/ ئاڵنگ کرونا ده بان گشت چشتێ ده دنیا دیاری بییه. ده بان بازار، ده‌رس و مه‌خش، دایره و ئداره، وه‌رزش و ... ئێسه‌یش ده بان ئنتخابات پارلمان ئیلام، شوونێ دیار داگه.
ستاد ئنتخابات ئیران شێواز رای داینیش گوڕان. ئی ستاده وه گشت ئێران کرد: ئمساڵ هه‌ر که‌سێ دخوازێ بچوو رای بده‌ێ حه‌تمه‌ن بایه‌د خوه‌ی ماسک و ده‌سکیش و خودکار وه‌رد خوه‌ی بیارێ تا که‌سێ تۊش واگیرداری ویرووس کرونا نه‌یاێ. رووژ جمه ئی هه‌فته، ده هه‌ر ناوچه ک ئنتخابات کیشریاگه‌سه ده‌ور دوێم، سه‌ندووقه‌یل رای دواره دایره دبن.
ده لاخوار ئیلامیش دو کاندیدا له بان نوێنه‌ری ئی ناوچه گه‌رد یه‌کتری هماڵی دکه‌ن.