شەفەق نیوز/ ماموسا "کیومەرس عەباسی قەسری"یش وە ژیر خوەڵ کیشیا، عەباسی لە ساڵ "1320هەتاوی"  لە قەسر شیرین لە داڵگبویە، دەرچگ بەکالوریوسە لە زانستە رامیاریەگان.

هۆنراوەیلی تا ئیسە لە نامیلکەیل دوو ساڵەی ئەنجومەن ئەدەبی کرمانشان و کتاوەیل غەزەل هۆنراوەی هاوچەرخ، باخی ئاورشم، باخ هەزار ئاورشم، و بڕیگ لە رووژنامە و گوڤارەیل چاپ کریاگە.

قەسری تا ئیسە هاوکاری  وەگەر ئەنجومەن شیعری ئیران، و ئەنجومەنئەدەبی خاجو (تەهران)، حەوزەی هونەری و ناوەندەیل فەرهنگی تەهران داشتیە .

کووکریاگ "باخ ئاورشم" ، شاعیرەیل هاوچەرخ کرمانشان، " ئایەتەیل زەمین ئاواز" حەوزەی هونەری 1374 و " ئەدەبی هاوچەرخ هڵوژێریاگ" نیسان 1378 ، "حەسەن خەتام" ، " چرپەی نای و نەی" لە بەرهەمەیل ئی شاعیرەن، ک گشت شعرەیلی وەزوان کوردی -خوارگ- نویسایە.