شەفەق نیوز/ فلیم کۆمیدی (خۆشەویستی لە سەردەمی کۆرۆنادا)، بڕیاربوی لە رووژەیل جەژن رەمەزان لە سینەماگان هەرێم کوردستان نمایش بکرێد ، باوجی دویا خریا.
کۆمپانیای سۆ پڕۆدەکشن-ی بەرهەمهێنەر فیلمەگە لە بەیاننامیگ راگەیان، وە لەوەرچەوگردن دۆخ دارایی ئیرنگەی مەردم تا گونجیاگ بوود وەرد ژیان و هەس مەردم، بڕیار دویاخستن نمایش فلیمەگە دایمن، دیاریکرد، لەئایندە وادەی نمایشکردنەگەی لە سینەمایەیل بڵاوکەن.
فیلمەگە لە سیناریۆ و دەرهێنان هونەرمەن شوان عەتوف-ە، هەریک لە هونەرمەندەیل مستەفا ئەحمەد، ماهیر حەسەن، ئەحمەد جۆڵا، سیروان جەمال، سروشت كامەران، شوان كەریم و رێشان حەمۆ و چەن ئەکتەریگ ترەک رۆڵ لەناوی دینە.