شەفەق نیوز/ خانمە هونەرمەن گورانیچڕ دینا نووترین ڤیدیۆ کلیپ خوەی وەناو "گرەو" لە تووڕ کۆمەڵایەتی ئینستاگرام بڵاوکرد، کار ئاوازدانان گورانیەگە وە لایەن هونەرمەن هەڵکەوت زاهیر کریایە.
دینا، لە شار ڕانیە لە داڵگبۊیە و لە شار هەولێر دانشتگە، لە مانگ تەمووز ٢٠١٧ دەس وە کار هونەری کردیە و یەکیگە لەو خانمە گوورانیچڕەیلە ک هونەرمەن و ئاوازدانەر کوردستان ھەڵکەوت زاھیر، کار ھونەری ئەرای کەێد، خاوەن ئەلبوومیگ و چەن ڤیدیۆ کلیپیگە، پارەکە ئەو هونەرمەنە چیە ژیان هاوسەریەوە و هاوسەرەگەی خەڵک خوەرئەڵات کوردستانە و کار فۆتۆگرافی کەێد.