شەفەق نیوز/ خانمە ئەکتەر و دەرهێنەر شانۆ ئیلهام شەکیب لە تەمەن 45 ساڵی وە مدوو بیماری کووچ دویایی کرد.
وەپای خەوەریگ لە ماڵپەر خەوەری ئیرانی "ایسنا" ئاشکەریکردیە، " ئیلهام ماوەیگە تویش بیماری شێرپەنجە هاتیە دویکە یەکشەممە، 14 ئابان (6 تەشرین دویەم) کووچ دویایی کرد".
ئیلهام دەرچگ بەش شانۆ و دیزاین تەختە شانۆ بوی لە زانکۆی ئەهلی ئیسلامی.
ئەو لەمنمایەشەیل جویر «رستم از شاهنامه رفت» رەزا حەداد، «عروس طوقی» نیما دهقان، «خرس» و «یک نوکر و دو ارباب» حەمید پورئازەری، «شازده احتجاب» عەلی رەفیعی، «آوای باد» حەمید ئیبراهیمی، «کلفت‌ها» و «خیلی دیرم شده» محەمد عاقبەتی، «زنی که زیاد می‌دانست» عەلی رەزا و «پرفورمنس» ئاتیلا پسیانی بەشداری کردیە.
کارەیل دەرهێنەری کردیە ئەرا فیلمەیل «بیماری خانواده میم» و «یرما».