شەفەق نیوز/ خانمە ئەکتەر هیندی "Jasmin Bhasin" لەوەر وەکارهاوردن عەدەسەی چەو تویش تێکچگن چەو بوود و مەترسی لەدەسدان چەوەیلی دیرێد.
جاسمین راگەیاندیە، " دویای وەکارهاوردن عەدەس چەو وەشیوەی هەڵە چەویلم تێکچینە وەی مدووە وە سەختی دوینم و زەرەد وە چەوم رەسێە".
هونەرمەنەگە وە رووژنامەی " Hindustan Times" راگەیاندیە لە 17 تەمووز هەس وە ژانە چەو کردیە باوجی لەوەر کار ژانەگە پشتگووش خستیە، بەڵام لەدویای رەدبوین وەخت ژانەگە فرەترەوبویە و وە هویچ شیوەگ نەتوەنستیە بدوینێد ناچار داوایدەسمیەتی لە تیمیگ پزیشکی کردیە تا بوەنێ لای دکتۆر چەو.