شەفەق نیوز- خەڵات هام‌پەیوەندی ناین دە نامەین فه‌رهه‌نگ عەراوی وەرد فەرهەنگەیلێ تر ک وە نام (خەڵات شێخ موحەمەد) نامگیر بییە و هەر ساڵ دە کشوەر قەتەر ئەڵگیردرێ، دە ساڵ 2020 زایه‌نی دریا وە دو چالاک کورد فەیلی.
دە نام جەرخەی ئەوانە ک ئمساڵ خەڵاتی کریان دو کورد فەیلی بەیرەی و عەلیشەروان ئیلام دیارییە.
ئی دوانە ماڵێیان ها دە تێهران و جاران، دە بەغدا هاتنەسە دی و دە تەسفیر کردن کوردەیل فەیلی وە دەس رژیم بەعس سەدامی لە زێد و ماوای خوەیان، یانێ بەغدا، تاڕیانە.
ئەوانە ئی دو برادەرەمانەن؛
-دوکتور سادق خورشا، وە خاتر ئەڵگرداننەوەی کتاو (تاریخ ئەدەبیات ئێران) لە فارسی وە زوان عەراوی ک خوەێ لە بنەڕەتەو هن دوکتور زەڕین‌کووبە.
-دوکتور مووسا بیدەج
ئەوی ساڵان ساڵە مەتنەیل ئەدەبی عەراوی و فارسی فرەیێگ وە یەکتری ئەڵگەردانگە.
دوکتور بیدەج شێعرەیل کوردی خاسێ ئەڕا بیس و دو هزار شەهید کورد فەیلی وتگە و هەر ساڵ دە سەرساڵەیان ک دە جامیێەگەی کوردەیل فەیلی دە کۆچە مەروی و خیاوان ژامنار و بازاڕ گەپ تێهران ئەڵگیردرێ، دخوەنێگەیان.
بنەماڵەیل خورشا و دوفێشتر دوکتور عەقیل خورشا ک لە بنەڕانەرەیل موئتەمەر جەهانی ئەڕا شەهیدەیل کورد فەیلییە، وەرد دوکتور مووسا بیدەج، هەردوگێیان وە یەکەو لە دەس‌دە‌ناوەیل مەراسم ئازیەتباری و سەرساڵ گرتن دە (رووژ شەهید کورد فەیلی) دە تێهرانن.