شەفەق نیوز- سازین سریاڵ جەنگەڵ‌بان دە بان چیاێ (چغا سەوز) ئیلام کلیل خوارد و بڕێ هونەرمەند دەس کردنە سازین ئی سریاڵە. کەماڵ زەحمەتکیش، دەرهێنەر ئی سریاڵەسە ک لە خوەێ هونەرمەند ناسریاگێگە دە ئێران.

لە قەرار ئی سریاڵە ک تمەگە دەبارەێ ژینگەپارێزی و جەنگە‌وانی و میژووی ئیلامە، دە سێزدە بەش چل دقیقەئی بسازرێ.

بەش فرەیێگ لەێ سریاڵە دە ئیلام و قەیرێ لەێ دە شارەک سینەمایی دە تێهران فیلمێ ئەڵگرن.بێ‌ژە چەن هونەرمەند گەپ و نامدار ئێرانی، بڕێ لە هونەرمەندەێل ئیلامییش وازیکار و دەس‌دە‌نام ئی سریالەنە.

ئی موسەڵسەڵ سینەماییە لە هساو تا پەنج شەش مانگێ تر تەمام بکرێگ و دە تلیفزیان ئێرانیش بدرێگە نیشان.

موحەمەد فەیلی، یەکێ لە وازیکارەێل نامدار ئی سریالە وتگە: م وەێ باوڕەمە ک ئی سریاڵە دبێگە یەکێ لەو کارەێل بهەرز و فاخرە دە ئێران و ئیمە ئەڕا ئەوڕەسانن وڵات وەێ کار موهمە ک بایەد گشتمان ویردار جەنگەڵ و ژینگە بمینیمن ئی کارە گرتیمنەسە مل.

ده ئیلام شەش‌سەد و چل و دو هزار هکتار دارسان هەسە ک فرەترێ بەڕۆسان و چرووینە، ئوو هزار وێنە گژ و گیا و دار دە ئوستان ئیلام سەوز و رەوز دکەێ.

وەر ژە یە و دە ئی چەن ساڵە ک چگ سریاڵ کوردیاتی (ن.خ) ک هەنەکیانەیێگە دەبارەێ فەرهەنگ و دەر و دەێشت و سرۆشت کرماشان و ساززریاگە و هەر ساڵ وە گەرد جەژن نەورووز لە تلیفزیان ئێران ددرێگە نیشان و فرەییش لاییندار و تەماشاوانیش دیرێ ئەڕا خوەێ.