شه‌فه‌ق‌نیوز /تورج ئه‌سڵانی، د‌رهێنه‌ر (کارگه‌ردان) و مودیر فیلمبه‌رداری سینه‌مای ئێران، وه‌رد چه‌ن هونه‌رمه‌ند له کشوه‌ره‌یلێ تر ، داوه‌ری به‌ش هماڵداره‌کی یه‌کم ده‌وره‌ی جه‌شنواره‌ی جه‌هانی فیلم «لیلون» ده کوردستان رووژئاوا (سووریه) گرتنه مل.
بڕێ تر له‌و ده‌وره‌یله ئه‌یانه‌ن؛ عه‌لی ئه‌حمه‌د به‌درخان ره‌ییس داوره‌یل له مسر، به‌روژ ئاکره‌یی نویسه‌ر، شاعر، عه‌کاس و بازیکار له هه‌ریم کوردستان، حوسه‌ین حه‌سه‌ن کارگه‌ردان سینه‌ما و بازیکار له هه‌ریم کوردستان، بندتا ئارجنتیری موسته‌نه‌دساز و رخنه‌گر سینمایی له ئامریکا، ئاپو بازیدی کارگه‌ردان و فیلمنامه‌نویس له باکوو (تورکیه) و ئریک گونزالس فلورس، ماموستای زانکو و رخنه‌گر مکزیکی.