شەفەق نیوز/ نویسەر سینەمایی مەنسور جیهانی، ئمڕوو یەکشەممە، ئاشکرای فیلم "تاقیکردنەوە" کرد ک نوینەری عراق کەێد لە ئاهەنگ بەشەوکردن خەڵاتەیل ئۆسکار ٢٠٢٣ لە ئەمریکا و ئەڵمانیا، ک باس باوەت گرفتەیل ژن لە خوەرهەڵات ناوڕاس کەێد.

جیهانی ئەرا ئاژانس شەفەق نیوز نویسان: بڕیارە فیلم تاقیکردنەوە ئەرا دەرهێنەر شەوکەت ئەمین کورکی، و بەرهەمکردن مەمەد ئەکتاش، ک نوینەرە عراق کەێد لە ئۆسکار ٢٠٢٣ لە باوەتەیل ژن و گرفتەیلی لە خوەرهەڵات ناوڕاس، لە ٣ی دیسەمبەر ٢٠٢٢ لە لۆس ئەنجلس نمایش بکریەێد، و لە ٦ دیسەمبەر ٢٠٢٢ لە نیویۆرک،  و لە ٨ دیسەمبەر ٢٠٢٢ لە پەرلین ئەڵمانیا.

وتیش: فیلم The Exam  بەرهەمی هاوبەشە لەناوبەین هەرێم کوردستان و ئەڵمانیا و قەتەر، و لە یەکەمین نمایشکردن جیهانیی لە بەش پێشبڕکێی سەرەکی Crystal Globe  لە ڤیستتواڵ کارلۆ لە Karlovy Vary سینەمایی ناودەوڵەتی پەنجا و پەنجەمین پیشکەش کریا، و خەڵات FIPRESCI  لەلایەن یەکێتی ناودەوڵەتی رخنەگرەیل سینەما وەدەس هاورد.

ئی کار سینەمایی دیارە، و لە وەردەوامی دەرکەفتن جەهانیی، خەڵات خاسترین فیلم لە بەش ناودەوڵەتی لە خول سی و هەشتەمین ڤیستواڵ Santa Barbra ی سینەمایی ناودەوڵەتی لە ئەمریکا وەدەس هاورد، و هەمیش خەڵات خاسترین سیناریۆ لە ڤیستواڵ سینەمایی ناودەوڵەتی نۆزدەهەم، و خەڵات Tirana لە ئەلبانیا، و خەڵات سەندوق نەتەوە یەکگرتگەیل ئەرا نێشتەجیبوین، UNFPA  لە پێشبڕکێی بانۆرامای ناودەوڵەتی لە ڤیستواڵ سینەمایی ناودەوڵەتی چل و سێیەمین قاهیرەی میسر، و خەڵات دەسەی ناوجیکردن لە ڤیستواڵ سینەمایی ناودەوڵەتی سی و هەشتەمین لە Mons بەلجیکا،  و خەڵات خاسترین فیلم ڤیستواڵ Victoria  سینەمایی ناودەوڵەتی بیس و هەفتەمین لە کەنەدا درەو کرد.

ئی فیلمە هەمیش لە بەش A Window on Asian Cinema   لە ڤیستیڤاڵ Busan  سینەمایی ناودەوڵەتی بیس و شەشەم لە کۆریای باشوور پەسەن کریا، و لە بەش پانۆرامای ناودەوڵەتی لە ڤیستیڤاڵ گوای سینەمایی ناودەوڵەتی پەنجا ودوویەمین لە هندستان،  و لە بەش "ئافاق" لە ڤیستواڵ سینەمایی ناودەوڵەتی دوویەم "تبليسي" لە جۆرجیا، و لە ڤیستواڵەگە ناودەوڵەتی یەکەم "دەریای سوور" لە سعودیە، و لە ڤیستواڵ سینەمایی ناودەوڵەتی سی و چوارەم Exground  لە ئەڵمانیا،  و لە بەش پانۆراما لە فیلم ناودەوڵەتی ٥٨ ڤیستواڵ "ئەسپ تەڵایی" لە تایوان، و لە ڤیستواڵ Leiden سینەمایی ناودەوڵەتی شانزەهەم لە هۆڵەندا،  و لە ڤیستواڵ Leeds   سینەمایی ناودەوڵەتی سی و پەنجەم لە بەریتانیا، و لە ڤیستواڵ دهۆک سینەمایی ناودەوڵەتی هەشتەم لە هەرێم کوردستان.

وتیش: ئی فیلمە چوارەم کار روومانی درویژە ئەرا دەرهێنەر شەوکەت ئەمین کورکی، لە بەرهەم Mîtos Film  لە پەرلین و مەستی فیلم لە سلێمانی، و لە روی جەهانی وەلایەن کۆمپانیای ArtHood  ئەڵمانی نمایش کریەێد،  و هەرلە ئەکتەرەیل ناودایار و خاوەن ئەزمون لە هەرێم کوردستان و عراق رۆلیان رانین، وەگەرد بڕیگ لە ئەکتەرەیل گەنج لەلیان ؛ ئاڤان جەماڵ، ڤانیا سالار، حسێن حەسەن، شوان عەتوف، هوشیار، یرو نیرۆیی، نیجار عوسمان، کاوە وادر، عادل عەبدولڕەحمان.

 دیاری کرد ک تیم کار فیلمەگە لە دەرهێنان شەوکەت ئەمین کورکی، سیناریۆ: شەوکەت ئەمین کورکی و محمد رزا جەوهەری، بەرهەم هاوبەش: فوئاد جەلال، کڕ بەرهەمکەر: لیا دریسچەر، وەڕیەبەر وینەگردن: ئەدیب سوبحانی، وەڕیەبەر بەرهەم: عادل عەبدولڕەحمان، مۆنتاژ: ئیبراهیم سعیدی، مۆسیقا: مەحمود بەرازی، دیزاین: جەلال ساعدپەناه، یاوەر بەرهەم: بەکر فەرەج، توومارکردن دەنگ: شەهرام ئەحمەدیان، ئەندازیاری دەنگ: چاگلر یشیلای، مکیاج سینەمایی: کارینا ئەفدوکێموا، دیزاین پڕتاڵ: کاترینا نسترووا، یاوەر دەرهێنەر: ئویستا قادر، وەردوامی: سەروە عەلی وەیسی، گام دویای بەرهەم: سینان یوسف ئۆغلۆ، هەماهەنگی بەرهەم: میهرەبان عەبدولڵا، راویژکار راگەیانن: مەنسوور جیهانی و منوچەهر جیهانی، بەرهەم: مەمەد ئەکتاش، ساڵ بەرهەم: ٢٠٢١.