شه‌فه‌ق نیوز/ نه‌وید موحه‌مه‌دزاده، سووپرئستار مێهرانی سینه‌مای ئێران، وه هه‌پ و هه‌وڵ و هیرده‌و بیین و شوونگیری مه‌ردم ئێران له ئه‌ڵبژارتن سه‌رۆک‌کومار ئامریکا، قه‌شمه‌ری کرد و وێنه‌ی له خوه‌ی، ده هه‌نسای وازی کردن ده فیلم "ئه‌به‌د و یه‌ک رووژ" ناگه ک چوون ده نه‌خش موعتادێگ وازی دکه‌ێ ریقێ ئه‌ڵهاتگه‌و چمان له ورسگی و تیه‌نگی چه‌نگێ دریاگه.
نه‌وید، ده ئی دو وێنه‌یله ک ده شان یه‌ک ناگه‌سه‌یان و قه‌ڵواڕووی یه‌کتره‌کیین، له‌ی‌وا نووسانگه:
خه‌ڵک ئێران، ئه‌ر ترامپ ببێگه سه‌روک‌کومار ئامریکا
خه‌ڵک ئێران، ئه‌ر ترامپ نه‌بێگه سه‌روک‌کومار ئامریکا
ئی ئستووری ئینستاگرامی نه‌ویده، قوواقوو کردگه و هێمان ک هێمانه، ده نام کاربه‌ره‌یله‌گه،،هه تووز دکه‌ێگ و هه دچه‌رخننه‌ی.
نه‌وید، وه‌ی ئستوورییه، خواستگه بویشێ ک فره په‌یجووری له‌ی نه‌که، هه‌ر که‌س ببێگه سه‌رووک ده ئامریکا، ئیمه هه باره‌گه‌ی خوه‌مان ها وه کووڵمان و هه له‌ی‌لا وه‌راو ئه‌‌و لا دچیمن و هه هیچمان وه هیچ نه‌دبێ.