شەفەق نیوز/ هونەرمەن گورانیچڕ ئارش عوسمان نووترین گورانی خوەی وە ناو " بێ ئارایش " بڵاوکەێد.
لە هەژمار فەرمی خوەی لە ئینستاگرام هونەرمەن گورانیچڕ، ئارش عوسمان بەشیگ لە گورانییە نووەگە دانایە و لەبانی نویسی " چەوەڕێ بوون وەی نزیکە ".
تێكست و ئاواز گورانیەگە لە کار خوەیە خوەیشی کار بەرهەمهاوردن ئەرای کردیە.
ئارش عوسمان ساڵ ١٩٩٢ لە شار سلێمانی لەداڵگبویە، دەرچگ کۆلێژ هونەرە، چەن ساڵیگە کار هونەری کەێد و خاوەن چەن گورانی و کلیپیگە و هەوادار فرەیگ دیرێد.