شەفەق نیوز/ وڵات پورتگال ئامادەکاری ئەرا وازکردن دریژترین پوڵ پیادە لە جهان کەێد، ئەراوەگ گەشتیارەیل وەرەو خوەی بکیشێد ک لەوەر پەتای کۆڕۆنا فرە کەمەو بوین.

دریژی پوڵەگە رەسێدە ٥١٦ مەتر، و وەبەرزی ١٧٥ مەتر لەبان چەم بایفا کریاسە دارەو، ئەو چەمە ک فرە وەتافی ری کەێد و بوودە سیمای سەرسامیگ ئەرا ئەوانەگ وەبان پوڵەگە ری کەن.

گەورای ناوچەی ئۆرکا خانم مارگریدا بیلیم ئویشێد: وازکردن ئی پوڵە فرە گرنگ بوی، چوینکە ری ئەرا گەشتیارەیل کەێدەو تا چالاکیە گەشتوگوزاریەیل نووەو بکەن، ک لەوەر پەتای کۆڕۆنا فرە زەرەدمەن بوی.

دروسکردن پوڵەگە ک وەناو کوێەیل پڕ لە سەنگ،  وسەوزی وگوڵە زەرد رەد بوود، نزیکەی دوو ساڵ وەپی چگ.