شەفەق نیوز/ خەڵات خاسترین گرتەیل ژینگە لە جیهان، ئەرا ١٤هەمین ساڵی، لە کۆنگرەی نەتەوە یەکگرتگەیل لە کۆنگرەی خاسەوکردن ژینگە(COP26)  لە گلاسکۆ، خەڵاتەیلی بەشەو کردە ئی وێنەیە ک ئەرا نشانەیل ژینگە گرتە کریانە:    

وێنەگر ئیسپانی،  ئەنتۆنیۆ ئاراگۆن،  خەڵات وێنەگر ژینگە ئەرا ساڵ ٢٠٢١ وەدەس هاورد، لە گرتەی مناڵیگ لەناو کەلاوەی خراوەیگ لە کناراو ئەفیادینیجیا خەفتگە.    

وێنەگر ئەمان عەلی لە وێنەیگ وەناونشان  "دووزەق" خەڵات وەدەس هاورد،  لە گرتەی کوڕیگ تەقەلای کپەوکردن ئاگر لە دارستانیگ نزیک ماڵەگەی دەێد لە یامونا گات لە شار نیودیلهی لە هندستان.        

خەڵات خوەیڕاگری؛ وێنەیگ وەناونشان  "وەزنی مەنین"، ئەرا وێنەگر ئەشرەف ئیسلام لە بەنگلادیش، لە گرتەی رێنیگ پەس کینەی گیا لە شەق زەۊیەگە کەن.       

خەڵات کار کەشوهەوا؛ وێنەیگ وەناونشان  "دۊیا هەناسە"، ئەرا وێنەگر کیڤن ئۆنیاگو لە کینیا، لە گرتەی کوڕیگ لە درەختەیلە هەناسە کیشێد، لە مەوقەی هەواوتووز.        

خەڵات ئاو و ئاسایش؛ وێنەیگ وەناونشان  "تەیمانەی سەوز"، ئەرا وێنەگر ساندییانی چاچوبادیای لە چەم دمودار لە هندستان،  ک قەوزاخەی ناو چەم دامودار نشان دەێد.        

خەڵات ژینگەی دۊیارووژ؛ وێنەیگ وەناونشان  "لافاو"، ئەرا وێنەگر میشێل لاتینی لە چەم باناڕۆ لە نۆنانتۆلا لە ئیتالیا،  لە گرتەی ماڵیگ لە لافاو چەم باناڕۆ نوقم بۊیە.    

وێنەیگ وەناونشان  "راوماسی"، ئەرا وێنەگر ئەشرەف ئیسلام لە بەنگلادیش،  لە گرتەی پڕەوبۊین چەمەگە لە قەوزاخە، ئیجا مەلەوانەیل تیەنە راوماسی.                          

وێنەیگ وەناونشان  "سەگ ئاوی گیر لە قولاو کردگە"، ئەرا وێنەگر سیدیا کوجالا لە دوورگەیل کوڕۆنادۆ لە مەکسیک.           

وێنەیگ وەناونشان  "ژینگەی پڕلە پلاستیک"، ئەرا وێنەگر سوبراتا دی، لە بەنگلادیش،        

وێنەیگ وەناونشان  "وزەی پاک"، ئەرا وێنەگر بیدڕۆ سیمویس لە پورتوگال،  لە گرتەی تۆربینەیل وزەی هەوا، وەرجە کەمیگ لە خوەرئاوابۊین لە پشت کۊیەیلە لە رووژ ئەوریگ.