شەفەق نیوز/ ریخریاگ مرۆیی "ئومید" لە هەرێم کوردستان، ئمڕوو شەممە، فیستیڤاڵ "با بخوەنیمن" رێک خست، ک بڕێ لە ریخریاگ و تەیمەیل خوەیبەخش لەناوی بەشداری کردن.
میدیا بەرزنجی خانمە هەماهەنگکار ریخریایەگە لە پارێزگای هەولێر ئەرا ئاژانس شەفەق نیوز وت: فیستیڤاڵەگە بڕیگ لە چالاکی هاناوی، لەلیان بەشەوکردن ١٢ هەزار کراو وەپەتی ئەرا ئامادەبۊیەیل و بەشدارەیل وەخاتر هاندان گەنج ئەرا خوەنستن.
وتیش: چالاکیەیل فیستیڤاڵەگە واژووکردن کتاوەیلیگ هاناوی ک لەی نووە چاپ کریانەز وەگەرد پێشەنگای شیوەکاری ئەرا گەنجەیل و هەمیش گورانی و مۆسیقا.
ئەو فیستیڤاڵە ک یەک رووژ وەپی چوود، پیشوازیکردن فراوانیگ لەلایەن گەنجەیل وەخوەی دی.