شەفەق نیوز/ وەزیریگ بەریتانی وت: ئیسە نزیکەی ٤٠٠٠ بنچینەی ئاڵشتبوی لە ڤایرۆس کۆڤید-١٩ لە جهان هەس، ئەراوە بەرهەمکارەیل واکسینەگان و فایزەر و ئەسترا زینیکا وەگەردیان تەقەلای خاسەوکردن واکسنیەگانیان دەن.
نازم زەهاوی، ک خوەی وەزیر وەرپرسە لە دابەشکرن واکسینەگان لە بەریتانیا ئووشێد: مەزە نێکریەێد وەڕاسی ک ئی واکسین ئیسە وەگەرد بنچینە نووەگان چ لە کەرت کینت یا وەگەرد بنچینەیلیگ تر نەگونجیەێد، وەتایبەت هەنای کارەگە پەیوەندی وە کاریگەریە سەختەگان و چارەسەرکەردن لە خەسەخانەگان بیاشتاد.
وتیش؛ گشت کۆمپانیا دروسکەرەگان؛ فایزەر، بیونتیک، مۆدرنا وئیکسفۆڕد، ئەسترا زینیکا، و ئەواکان تر دیرن تۆێژینەوەی ئەوە کەن ک چوین واکسنەیلیان خاسەو بکەن تا دووپات بکریەێد ک ئیمە ئامادەیمن ئەرا هەر بنچینەیگ.. ئیسە نزیکەی ٤٠٠٠ چین جیواز لە کۆڤید-١٩ لە جهان هەس.