شەفەق نیوز/ قەتری عوبەیدی وەڕێوبەر ناحیەی جبە سەروە قەزای هیت لە پارێزگای ئەنبار،  ئمڕوو یەکشەممە ز دووپات کرد ک وەڕیەوبەرایەتیەیل شارەوانی پارێزگاگە، رۊی وەرەو کارکردن لەبان دروسکردن شارەیلیگ گەشتوگوزاری لە ناحیەگە کەن، ئەوەیش دۊیای سەردانیگ مەیدانی لەلایەن حکومەت خۆجێیی ئەرا تاڤگەیگ دەسکرد لە ناحیەگە. 

عوبەیدی لە قسەیلی ئەرا ئاژانس شەفەق نیوز وت: جاران لە مەوقەی واران، نووڕستیامنە بڕی لە بەرزی وکۊێەیلە بۆیانە تاڤگە، و لەی بنەما، دەسکردیمنە دروسکردن تاڤگەیل دەسکرت، ئەوەیش لە هاورەن ئاو لە چەم فوڕات ک نزیکە لە شۊن تاڤگەگە، و هەمیش نۆ شۊن تر هەس، ئەوەسا ئی کارە لەناویان جیوەجی کریەێد. 

عوبەیدی دیاری کرد ک رۊیکردنیگ وەرەو پڕۆژەی گەشتوگوزاری لەی ناوچەیلە هەس تا بوونە جۊر تاڤگە و شالێهەیل هەرێم کوردستان،  چۊنکە بەرزایی و زەۊی سەنگی لەیرا هەس.