شەفەق نیوز/ رەشید بودیوە، ئەو گەنج جەزائیریە، وە یەک شەو سویر دوو ژن کرد، ک بویە قسەوباسیگ لەلای مردمەگە، تا هویردەکاریەیل ئەو رەفتاریە ئاشکرا بوی.

راپۆرتەیلیگ جەزائیری باس سەرسامی بنەماڵەی وەوی یەکەمین کردن، هەناێ زانستن ک ژنیگتر لە خود شەوەگە خوازیە، و ئاشکرا کردن ک ئاگایان وەی کارە نەویە.

خانمیگ لە کەسوکارەیل یەکەم ژنەگە ئەرا میدیایل راگەیانن وتیە داڵگ دویەتەگە ڕازی وەیە نەویە، چوینکە کوڕوگە بیکارە، و نە ماڵیگ و نەیش داهاتیگ دیرێد، باوچی دڵ دویەتەگەی نەشکانیە.

باوان دویەتەگە وتنیش: کوڕەگە تەڵا ئەرا دویەتەمان سەنیە، باوجی دووارە گلیەو دایە، وبردیە فرووشتیەسەی، ئیجا تەڵای درووکانی هاوردیە.

وتنیش: کوڕەگە خەوەردار ئەو دویەتەگە کردیە ک ئەوەسا تەڵاگەی بەێد و لە خود ماڵەگە وەگەرد هاووەوی نیشێد، و ئی سویرە کاریگ خەڵەتانن بویە، و داوا لە هەردوگ دویەتەگە کردیە دڵنگ و پڕتاڵیان لە ماڵ باوانیان بارن، و هەردوگیان سوار ماشینیگ کردیە، تا رەسیەسە هۆڵ ئاهەنگ سویرەگە، و وینە و ڤیدیۆ بڵاو کردیە، ک بویە قسەوباسیگ لەلای مردم.