شەفەق نیوز/ لە شار سلێمانی لە هەرێم کوردستان، ئمڕوو یەکشەممە، ناوەند کلتوری پڕۆفیسۆر عزەدین موستەفا وەگەرد دۊیەم ساڵیاد کووچکردنی واز کریا.
لە رسوومەیل وازکردن ناوەندە کلتوریەگە، کەسایەتیەیل حکومەتی و رووشنهۊری، وەگەرد خیزانەگەی رەحمەتی عزەدین موستەفا ئامادە بۊین.
فاروق مەڵا موستەفا سەرپەرشتیار ناوەندەگە لە وتاریگ لەو رسوومەیلە ک ئاژانس شەفەق نیوز ئامادەی بۊی وت: وازکردن شۊنیگ کەلتوری وەناو یەکیگ لە پایەیل رووشنهۊری کورد لە شار کەلتوری شار سلێمانی، زیایکردنیگە لەبان جوولەی کەلتوری کوردی و عەرەوی.
مەڵا موستەفا وتیش: ئاهەنگکردن وە ئەدیب و رووشنهۊرەیل نەک تەنیا ئەرکیگە حکومەتیخ باوجی خوەی ئەرکیگە نیشتمانی بایەتە گشتی بگرێدەی خوەی، لەوەر کاریگەری ئەو ناوەیل کەلتوری لەبان میژوو پارێزگاگە و میژوو گشت هەرێم کوردستان و عراق وە گشتی.
لەناو رسوومەیلە، پەردە لە پەیکەر چەن کەسایەتییگ رووشنهۊری و ئەدەبی کورد لادریا.
عزەدین موستەفا رەسول، لە ساڵ ١٩٣٤ لەداڵگ بۊیە، و گشت ژیانی لە تۆێژینەوەی زانستی بردە سەر، ک زیاتر لە ٨٠ کتاو لە چیرووک وشعر و خوەنەستن ئەدەبی نۊسان، و نەوەیل فرەیگ لە خوەنەوارەیل لە زانکۆەیل بەغداد و سلێمانی و سەڵاحەدین ئیوەت کرد.
عزەدین ژیان خوەنەواری لە کۆلێژ شەریعەت بەغداد دەس وەپی کرد، و لەوەر چالاکی سیاسیی لەلی دەرکریا، ئیجا خوەی رەسانە ماڵ مامووستایەیل باڵا (کۆلێژ پەروەردە)، و بەشداریکردنی لە ڕاپەڕین ساڵ ١٩٥٢ بۊیە هووکار دەرکردنی و زیندانیی.
لە ساڵ ١٩٥٦خ عزەدین موستەفا خوەی رەسانە سوریا، و لەورا چگە کولێژ ئاداب لە زانکۆی دیمەشق خ وهەنای شۆڕش ١٤ی تەمموز ١٩٥٨ دەس وەپی کردن هاتەو وەرەو بەغداد، و لە ساڵ ١٩٦٠ رەسیە مۆسکۆ تا خوەنەواری باڵا تەواو بکەێد، و دۊیای تەواوکردنی لە ساڵ ١٩٦٥ وە ژیروەژیرەو ئەرا عراق گلەو خوارد، و بەشداری لە بزووتنەوەی کوردی کرد.
دۊیای ئەوە، بۊیە مامووستا لە بەش زوان کوردی لە کولێژ ئاداب – زانکۆی بەغداد، و کتاویگ دەربارەی (ئەحمەد خانی) نۊسان، ک وەپی بڕوانامەی دکتۆرا لە پەیمانگای ئیستیشڕاق لە مۆسکۆ وەدەس هاورد، و لە شەوەکی رووژ پەنجشەممە ٣ی تەشرین یەکەم ٢٠١٩ لە شار سلێمانی، دۊیاکووچی کرد.