شەفەق نیوز/ وڵات چین، یەکەم قەتار موگناتیسی وەدارەوکریاگ وە موگناتیس هەمیشەیی خستە ری، ک موگناتیسەگە هیلێدە لە ئاسمان وەدارەو بوود، وەبی کارەبایش، لە چوارچیوەی ئەزموونیگ ک ئەوەسا ری وەکارهاوردنی لە بار بازرگانی واز کەێد.
ئی سکەی ئاسن تاقیکردنە ک درویژیی رەسێدە ٨٠٠ مەتر، وە موگناتیس وەهازیگ دروس کریا، وە هاوردن چشتەیلیگ دەگمەن لە زەوی ئەرا دروسکردن هازیگ ک بیلێد قەتاریگ وە ٨٨ کەس هەڵگرێد.
ئی قەتارە وە بەرزی ١٠ مەتر لە زەوی کار کەێد، و قەتارەگە وەقەی سکەگە نییە، و لە خوار سکەگە وە تونی ٨٠ کیلومەتر لە ساعەتیگ جویلە کەێد.
وەگورەی توێژینەوەیل لە زانکۆی جیانگی، لە سای ئازادی قەتارەگە ک وەقەی هویچ نییە، تەنیا کەمیگ کارەبا ئی قەتارە تەکان دەێد.
پسپۆڕەیل وتنیش: ئی تەکنیک نووە بەش کەمیگ لە تیشک موگناتیسی دەرکەێد، و خەرج دروسکردنی فرە کەمترە لە بیناکردن میترۆی تونێل.
دەسەڵاتەیل گواستنەوەی چینی وتن: دویای ئی تاقیکردنە، ئەوەسە ریەگە رەسێدە ٧،٥ کیلومەتر، و تونیەگەی رەسێدە ١٢٠ کیلومەتر لە ساعەتیگ.