شەفەق نیوز/ چاڵیگ گەورە کە لە کەنار دەریایگ لە ئێرلەندا دەرکەفت، قسەوباس مەردم سۆشیال میدیا لەلی بویەو، چوینکە نووڕین لە ناو ئەو کەسەیلە جیاجیا بوی کە وتنە نەیزەکیگە یا وتنە هاتێ هن ئایمە ئاسمانیەیل بوود، و بڕیگیش وتن: کار کەسیگ بویە.
راپۆرتە میدیاییل باس لەوە کەن کە کەسیگ ئەو چاڵە لە کەنار پۆرتمارنۆک لە نزیک شار دبلن پەیا کردیە، کە لە خوەیانەو لە ئەنجام کەفتن نەیزەکەیگ دروس بویە، وەتایبەتی کە سەنگیگ سیا لەناوی پەیا کریا، کە هاتێ جیماگەی ئەو نەیزەکە بوود کە قسە لەلی کریەێد.
ڤێرجن میدیا نیوز زویوەزی رەسیە شوین رویداوەگە، پەیامنێریگ وت: "گومان کریەێد کە چاڵەگە وە نەیزەکەیگ بوود کەفتیەسە دبلن"، سەنگەگە وەدەسەیەو بویە و وت: "سەنگینترە لەوە کە مەزەنە کریەێد" یەک لای تەختە، و ئەو لاگەی نیشانەی سزیان وەپیەو دیارە.”
پەیامنێرەگە وتیش: سەنگەگە شیکاری ئەرای کریەێد تا دڵنیابوون لەوە کە هن نەیزەکیگە.