شەفەق نیوز/ ئەگەر بخوازیم کەسیگ ئەرا بان مانگ ئەرا ماوەى فرەتر لە چەن رووژیگ کل بکەیمن، هەڵبەتە پەیاکردن ریەیل کارایگ خوازیمن ئەرا بەرهەم داهاتەیلیگ ک هەوەجە وەپى کەن ئەرا ژیان لەورا.
یەکیگ لەو هەوەجەیل سەرەکیە ئاوە، و پەیاکردن سەرچەوەى گونجیاگ ئەرا ئاوەیل لەبان مانگ بویەسە باوەتیگ سەرەکى گرنگ ئاژانسەیل ئاسمانى لەى ساڵەیل کەم گوزەشتە و خەوەر خوەشیش ئەوەسە ک وەگورەی دویاترین راپۆرتەیل ئی باوەتە، لەورا یەخبەسان ئاوى هەس لە جەمسەرەیل مانگ.
باس لەوەیش کریەێد هاتێ یەخ لەناو چاڵەیل بوود لە نزیک هەردوگ جەمسەر و هاتێ گڕکانەیل کۆنەنیش بوینەسە سەرچەوەیگ ئەرا یەخبەسان لەبان مانگ و لەورا سوود لەلیان وەربگیریەێد.