شەفەق نیوز/ پارێزگار هەولێر پایتەخت هەرێم کوردستان ئومێد خۆشناو، ئمڕوو چوارشەممە، ئاشکەرایکرد حکومەت ناوخوەی تەقەلای جدیگ دەێد ئەرا کۆنترۆلکردن نرخ گووشت سوور و وتیش؛ پارێزگاگە کووبوینەوەیگ وەرد وەزارەت کشتوکاڵ و سامانە ئاویەگان هەرێم ئەنجامدایە لە پێناو پلان کارکردن دانان ئەرا سنووردارکردن بەرزەوبوین نرخ ئێ مادە خوەراکیە لەناو بازاڕەیل.
خۆشناو لە کۆنگرە رووژنامەوانیەگەی ئمڕوو داوا لە وەزارەت کشتوکاڵ و سامانە ئاویەگان و وەزارەت بازرگانی و پیشەسازی کوردستان و لایەنە پەیوەنیدارەیل کرد کووبوینەوە وەرد پارێزگایەیل هەرێم بکەن ئەرا کۆنترۆل کردن بارودۆخەگە، و سنووردانان لە بەرزەوبوین نرخ گووشت.
نرخ گزوشت سوور بەرزەوبوین بی وینەیگ ە خوەی دیە لە پارێزگایەیل هەرێم کوردستان و ئەو ناوچەیل ترەک لە شارەیل عراق وە جویریگ نرخ یک کیلوگرام گوشت کاوڕ رەسیە ئەرا 22 هەزار نزیکەی 20 دۆلار ئەمریکی و گووشت گوور بەرزەوبویە ئەرا 18 هەزار ک نزیکەی 17 دۆلارە.