شەفەق نیوز/ شار هەولێر پایتەخت هەرێم کوردستان، وە ئامادەبوین سەرۆک حکومەت هەرێم کوردستان و حکومەت خوەجێی، گردەوبوین گەورە رووشنهویرەیل و ئەکادیمیەیل و گرنگیدەرەیل وەی مژارە رووژ جەهانی زوان داڵگی بەرز نرخانن.
وەی بوونەو مەراسیمیگ ئەنجامدان وە ئامادەبوین وەزیر رووشنهویری و گەنجەیل هەرێم کوردستان حەمە حەمەسەعید، و سەرۆک حکومەت ناوخوەی ئومێد خۆشناو و ئاریان سەڵاحەدین جیگیر وەزیر رووشنهویری و فەرهەنگ غەفور وەڕێوەبەر گشتی وەڕێوەبەرایەتی رووشنهویری و هوونەر لە هەولێر و شمارەیگ لە گەورە رووشنهۆیرەیل و زمانناس و ئەکادیمیەیل و خوەنەورەیل پارێزگاگە.
وەی بوونەو وەزارەت رووشنهویری و گەنجەیل پانێڵیگ گفتوگوکردن ئەرا دکتۆر فەرهاد فازل دامەزێنەر و سەرۆک پەیمانگای کوردی لە بەرلین رێکخست.
پەیامنێر ئاژانس شەفەق نیوز وت، ئاهەنگەگە وە سروود نیشتیمانی کوردی "ئەی رەقیب" دەسوەپی کرد، کوڵە فلیمیگ وەی بوونە پەخش کریا".