شەفەق نیوز/ هەسارەی نوویگ وە ناو "Gliese 12b" وە لایەن زانایەیل بەریتانیا پەیاکریا، کە قەبارەی نزیکەی هەمان قەبارەی هەسارەی ڤینۆسە وە قسەی زانایەیل ئەرا "زندگی کردن ئایەم" گونجیاگە.
وەپای خەوەریگ لە سکای نیوز، پلەی گەرمی هەسارەی Gliese 12b لە دەوروگەرد ٤٢ پلەی سیلیزییە یەیش هیلێد گونجیاگ بوود ئەرا ژیان.
دیاریکرد، تیمیگ زانایەیل لە سەرانسەر جەهان مانگ دەسکرد رووپێوی هەسارە دەرەکیەگەی ناسا کە وە TESS ناسریاگە وەکارهاوردنە تا هەسارەگە بدوینن کە وە دەور ئاساریگ سورێد، و کەمتر لە ساڵیگ توەنستنە قەوارە و پلەی گەرمیەگەی چۆنیەتی جویڵەگەی دەربخەن.
هەسارەی Gliese 12b نزیکەی 40 ساڵ رووشنایی لە زەویی دویرە، وەپای قسەی زانایەیل زانکۆی ئیدینبێرگیش، خێراترین کەشتی ئاسمانی ئیرنگە نزیکەی ٣٠٠ هەزار ساڵ وەپی چوود تا بڕەسێد وەپێ و قەوارەگەی نزیکە لە ڤینۆس هەر ١٢.٨ رۆژ جاریگ وە دەور خوەڕ گەردێد.