شەفەق نیوز/ سەگیگ لە پارێزگای هاتای تورکیا، رکدار بوی چەوەڕی خاوەنەگەی بکەێد لە ژیر رمیاگەیل دەرچوود، دویای یەک هەفتە لەو زەویلەرزەی مەرگبارە لە باشوور تورکیا و باکوور سوریا.
ئەو سەگە لەبان رمیاگ ماڵ خاوەنی لە دەیشت چەوەڕی کەێد خاوەنەگەی لەو ژیرە درارن، ک یە دوو رووژە لەو شوینە جویلە نیەکەێد.
خاوەن سەگەگە تا پەنج رووژ لەژیر رمیاگەیل ئەو زەویلەرزەیلە گیر هاتوێد ک گیان زیاتر لە ٢٣ هەزار کەس لە تورکیا رفان.
موستەفا سونمیز برای خاوەن سەگەگە ک ئەویش چەوەڕی براگەی کەێد، و چەوەڕی مزگانی کەێد، وت: سەگەگە بردیمنە شوینگتر وەلێ هەمیش گلەو خوارد.
سونمیز وتیش: سەگەگە خوەی لە ژیر رمیایەگە وەزەخمداری دەرچگ، و دوو رووژ چەوەڕی خاوەنی کرد.