ئی رویداوە کە وە تەقینەوەی "نۆڤا" ناسریاس، بوودە دەرفەتیگ یەکجارەکی لە ژیان ئەرا چەودیاریکردن ئاسمان ئەرا ئەو کەسەیلە کە لەبەش باکوور زەوی ژیەن، وەگورەی ئاژانس ناسا، چوینکە جویرەیل سیستەم ئەسارەیی کە ئەو جەیرە تەقینەوەیگ هاناوی لە گەلەئەسارەگە باو نیین وەگورەی تووڕ ئەمریکی “NBC”.

 تەقینەوە ئەسارەیل لە سیستەمیگ بوود وەناو “T Coronae Borealis” کە ٣٠٠٠ ساڵ رووشنایی لە زەویەو دویرە و دوو ئەسارە هاناوی کە ئەسارەیگ مردگە و وە “باوەقوورەت چەرمگ” ناسیاسر کە لە دەور ئەسارەی “کەپ سوور” گەردێد.

ئەسارە گەپە سوورەیل ئەوانە رەسینەسە پای مردن، چوینکە سزەمەنی هایدرۆجینی ناو ناوکەیلیان تەواو بوود.  وەگورەی ئاژانس ناسا، ئیجا خوەریش وەیجویرە وەسەری تیەێد.

هاتێ لە هەر وەختیگ بوود

 فەلەکناسەیل مەزەنە کەن کە تەقینەوەی نۆڤا لە هەر وەختیگ لە  ئیسا و مانگ ئەیلولی ئایندە روی بەێد.

 وە سیستەمەیلی جویر T Coronae Borealis، دوو ئەسارەگە  ئەوەن لە یەکترەو نزیکەو بوون کە سزەمەنی هایدرۆجینی  سوورەگە وەردەوام رشیەێدە  روی ئەسارە مردگەگە  و وەگەرد وەختەو یە زوور و گەرمی زیای کەێد  و لە کۆتایی هەڵپووقیان گەورەیگ لەلی ئەڵسێد.

 لە ساڵ ١٩٤٦

 لەلای خوەییش، برادلی شافر، پرۆفیسۆر کارمەندی فیزیا و فەلەکناسی لە زانکۆی ویلایەت لویزیانا ڕاگەیان کە دوایین جار کە ئی سیستەمە ئەسارە تەقیە لە ساڵ ١٩٤٦ بویە و ئەگەر ئەوە هەس کە تەقینەوەیگ ترەک تا ماوەی ٨٠ ساڵ یان زیاتر نەوود.

فەلەکناسەیل جەهان ئارەزوو چاودیاریریکردن چالاکییەیل کەن لە سیستەم “T Coronae Borealis”، جویر شیفەر ئویشێد کە هەتاێ تەقینەوەگە پەیا کریار هاتێ خاسترین و گەشاوەترین دیمەنەیل لە ماوەی ٢٤ سەعەت باێدە دی.