شەفەق نیوز/ لە مانگ ڕەمەزان بەشیگ لە هاوڵاتیەیل لە ماوەی ئەو مانگە کیش لەشیان زیای کەێد، یەیش چەن هووکاریگ دیرێد جۊر:
ئەو کەسەیلە ک کیش لەشیان زیای کەێد لە وەخت رووژگ گردن فرە هۊر لە خواردن و ورسگی کەن ک یەیش هووکاریگە ک لە رووژگ شکانن بڕیگ فرە خواردن جوراوجور بخوەن. زیای لە خوازین خواردن خوەراک و شیرینی.
لە مانگ ڕەمەزان خیزان و دوسەیل کووەوبن ئەرا خواردن ژەمە ئیوارمان، ک ئیەش هیلێد بڕیگ زیاتر بخورێد وە بەراورد وەگەرد رووژەیل ئاسایی ک وە تەنیا نان خوریەێد.
فشار دەرۊنی یەکیگترە لە هووکارەیل زیایبۊن کیش، ئی فشارە دەرونیە وە مدووی ئاڵشتبۊن لە وەختەیل خەو و لەهەمان وەخت ژەمەگان خواردن، ئاڵشتبۊن لە ڕۆتین رووژانە دروس بوود، یەیش لێوا کەێد بڕیگ زیاتر لە خواردن بخوەێد و هەس وە شەکەتی بکەێد جۊلەی لەش کەمەو بوود.