شەفەق نیوز/ خانمیگ وە تەمەن عراقی وە ناو "غەزالە هنودی" لەدویای چوار ساڵ مەنن لە ئوسترالیا توەنست لە تەمەن 94 ساڵی بوودە خاوەن رەگەزنامەی وڵاتەگە و وە وەتەمەنترین دانشتگ "كانتبربری- بانكستاون" دانرێد كە یەكیگە لە شارەگان ئوستراڵیا.
خانم "هنودی یاگونا" وەرجە چوار ساڵ لەتاو ناخوەشی بارودۆخ مەراف ناو عراق و ململانی سیاسیەگان عراق وەجی هیشتیە و ئیرنگە وەگەرد نەوە و مناڵەگانی لە ئوسترالیا زندگی کەێد کە وە بانگێشتنامەی فەرمی ئەوان توەنست بڕەسێدە ئەو وڵاتە.
زەید هنودی، كوڕ " هنودی یاگونا" راگەیان، داڵگیان لە تەمەن 94 ساڵیدایە و ئیرنگە هاونیشتمانییگ ئوسترالییە و دویای چوار ساڵ مەندنی وەگەردمان ئوسترالیا رەگەزنامەی وەپی بەخشی، ئاشکەرایکردیە ئیرنگە داڵگی ئاسوودەس و کەشوهەواگە وە دڵیە و ئۆسترالیايش وڵاتیگ میوان دووسە قبوول گشت ئاین و نەتەوەیگ کەێد.