شەفەق نیوز/ دەسەی نۆبڵ نەرویجی لە ئۆسلۆ، ئمڕوو جمعە، راگەیان کە خەڵات نۆبڵ ئەرا ئاشتی لەساڵی ٢٠٢٣، دریا وە خانمە ئیرانی نێرگز محمدی، ئەوەیش لە خەباتی وەرانوەر ستەمکاری لەبان ژن لە ئیران، و رەنجداینی ئەرا بتەوکردن ماف مرۆڤ و ئازادی ئەرا گشتی.
نێرگز محمدی خانمە چالاکوانیگە ژیانی ئەرا وەرگری لە ماف مرۆڤ لە ئیران وەسەر برد، کە وە درویژی بیس ساڵ گوزەشتە لەناو زیندان بوی، و چەنای چەنیگ لەوەر هەڵمەت وەردەوامی دژوە سزای وەسێدارەدان و زینداتی ناکاتە، کە هەر جاریگ چەن هەفتەیگ کەفتیادە زیندان.
محمدی ئیرنگە سزای ١٠ ساڵ ز نۆ مانگ لەناو زیندان تەواو کەێد، وەتوومەت کارەیلیگ دژوە ئاسایش نەتەوەیی و پرۆپاگەندە دژو دەوڵەت.
هەمیش سزای (١٥٤ گلە جەلد) لەبانی دریا، کە ئویشن هیمان جیوەجی نەکریایە، وەگەرد قەیەغەکردن لە دەرچگن لە وڵاتەگە.