شەفەق نیوز/ مناڵیگ بەریتانی سەرکەفتن گەپیگ وەدەسهاوردیە، هەنای تەمەنی نزیکەی چوا سالە، بویە یەکیگ لە ئەندامەیل کۆمەڵەی ''مینسا'' ک تەنیا ئەو کەسەیلە هانەناوی ک ئاست زیرەکی بەرزیگ دیرن.
وە پای خەوەریگ لە ماڵپەر"أخبار الآن"، تێدی هۆبس ک بویە وە ئەندام ئەو کۆمەڵە تەمەنی سێ ساڵ و نۆ مانگە، توەنێد وە هەفت زوان قسەبکەێد و بخوەنێد و توانید وە ئەو هەفت زوانە تا شمارە سەد بشمارێد ئەو زوانەیلەیش بریتین لە زوانە بیانیەیل ماندرین و وێڵزی و فەڕەنسی و ئیسپانی و ئەڵمانی.
ئەو منداڵە لە ئینگلتەرا زندگی کەێد لە تەمەن دوو ساڵ و چوار مانگی دەس وە خوەنستن کردیە و فرە خوەشی وە بیرکاری تید، هەمیش توەنستیە تاقیکردنەوەی بوین وە ئەندام لە ئەو کۆمەڵەیە رەدبکەێد دویای ئەوەگ ١٣٩ خال هاوردیە لە ١٦٠.