ئەو لەفانە وەناو ئەدیاه و ئەدریال خوەشکی، وەرجە ١٢٦ رووژ لە مەوقەی سرووشتی خوەیان لەداڵگبوین، شمارەیگ شکانن ک وەرجەیە وەناو لفانەیگ ئەمریکی توومار کریاگە م لە ساڵ ٢٠١٨ وەرجە ١٢٥ رووژ لە مەوقەی سرووشتی خوەیان لەداڵگ بوین .
ماوەی دووگیانی سرووشتی لەلای ژن رەسێدە ٤٠ هەفتە.
شاکینت راجیندرام داڵگ لفانەگە ئویشێد، هەنای دویای ٢١ هەفتە و ٥ رووژ ژانی گردگە، پزشکەیل وەپی وتنە ئەو دوو مناڵە هویچ دەرفەتیگ ئەرا ژیان نەیرن.
کیڤین ناداراجاه باوگ لفانەگە وت: خەسەخانەگە وەپی وتیە: نیەتوەنێد لەیجویر زایینیگ وەرجەوەختە دەسمیەتیی بەێد.
دویای ٢١ هەفتە و ٦ رووژ لە دووگیانیەگە، داڵگەگە وتیە وەگورەی توانای تەقەلا داگە ئی دوو مناڵە لەناو زگ خوەی گیر بەێد، هەرچەن تویش خوینوەربوین فرەیگ هاتگە.
دویای کەمتر لە دوو ساعەت لە سەرەتای ٢٢مین هەفتە، هەردوگ مناڵەگە زاێد.
ئیرنگە ئەدیاه و ئەدریال ٦ مانگ لەژیر چەودیاریکردن پزشکی ژیان کردنە، هەرچەن چەن گرفتیگ پزشکی دویای زایینیان بویە.
داڵگەگە ئەرا کتاو گینیس وت: چەن جاریگ نزیک بوی هەردوگ مناڵەگە لەوەر چەومان بمرن.