شەفەق نیوز/ نیسان ئامادەکاری کەێد ئەرا خسنە روی شیوەی نوویگ لە ماشین "Altima" و بڕیارە بوودە یەکیگ لە سەرەخترین رکابەرەیل ماشین وە ناوبانگ "Camry" لە کۆمپانیای تۆیۆتا. 

ماشینەگە ئاڵشتکاری فرەیگ لە شیوەی کریایە وە بەراورد وەگەرد وەرین و قەوارەگەیشی گەورەتر بویە، لە وەردەوم وە تەواوی ئاڵشتکریایە لایتەیلی لە تەکنەلۆژیای نوو LED دانریایە.  ‏

لە ناوەوەش ئاڵشتکاری فرەیگ کریایە و شاشەی گەورەیگ وەبان داشبوڵەگەی دانریایە، ک وە بیتەل (وایەرلێس) توەنرید پەیوەندی وەگەرد مۆبایل بکەێد لە رێ هەر یەک لە سیستەمەیل Apple CarPlay و Android Autoـەوە. 

لە دیارترین ئەو تەکنەلۆژیەیلە لە ماشینە نووەگە هەس سیستم سەلامەتی و پاراستن Safety Shield 360ـە، ک لەڕی ماشینەگەوە لە مەوقەی خوازین وە شیوەی ئۆتۆماتیک ئیستۆپ گرێد، تەنانەت لە مەوقەی وەبەگ چگینیش  یە بیجگە لەوە سیستم خێرایی ئۆتۆماتیکیی ProPilot، سیستم ناوچەی کور و “حاسە”یل هەرچوار لا ماشینەگە. 

ماشینەگە وەە هەردوو بزوێنەر 2.5 لیتر، گوڕ 185 و 191 ئەسپە کەفێدە وەردەس، ئەیە بیجگە لە شیوە “سپۆرت”ـەگەی ک بزوێنەر 2.0 VC-Turboـ  وە گوڕ 251 ئەسپ کەفێدە وەردەس.