شەفەق نیوز/ پەیمانگەی ژیۆفیزیا لە مۆسکۆ وت: ئمڕوو دووشەممە، زەوی کەفێدە وەر کاریگەری زریانیگ موگناتیسی گەورەیگ.
پەیمانگەگە لە بەیاننامەیگ وت: زانایەیل شیواشیوەیگ لە بازنەی موگناتیسی زەوی ڕوانگە کردنە، و زریان موگناتیسی رەسیە ئاستە بەرزەگەی G3.
وتیش: زریانیگ وەی ئاستە هاتێ گیچەڵ بخەێدە سیستەم وزە لەبان زەوی، و سیستەم کار کەشتیوانی کە پشت وە مانگەیل دەسکرد بەسن و سیستەمەیل پەیوەندییەیل وایرلێز هاتێ بووڕیەن، و لە ناوچەیل کڕ پانی ناوڕاس و لە بەشیگ لە ناوچەیل زەوی گوڵسوو جەمسەری دیار دەێد.
وەرجەیە، پەیمانگەی زانستەیل چووڵایی ئاسمانی رووسیا باس کرد کە زەوی ئەوەسا کەفێدە وەر کاریگەری زریانیگ موگناتیسی.
زریان موگناتیسی کە جاروبار دەێد لە زەوی گیچەڵ خەێدە سیستەمەیل وزە و کاریگەری لەبان ریەیل کووچکردن مەل و ئاژەڵەیل دیرێد، و زریانە بەرزەیل توەنن کاریگەری لەبان کار سیستەمەیل پەیوەندییەیل و کەشتیوانی بیاشتوون.