شەفەق نیوز/ یەکیگ لە مۆزەخانە ناودیارەیل بەڕیتانیا ناو تابلۆیگ لەوەر جەنگ مابەین روسیا ئۆکراین ئاڵشت کەێد.
مۆزەخانەی "زە نەیشن گەلەری" ناو یەکیگ لە تابلۆەیل وینەکیش فەرەنسی " ئێدگار دیگا" ئاڵشت کەێد، ک لە تابلۆگە وینەی سێ دۊت کیشایە گیسیان وە چەن مەچیریگ ڕەنگ کەو و زەرد رەنگین کریایە کە رەنگەیلە جۊر رەنگ پەرچەم ئۆکراینە و لەوەر ئەوە ناو تابلۆگە ئەرا جەنها ساڵ جی گفتوگو بۊیە، باوجی وەگەرد دەسکردن وە جەنگ مابەین ئۆکراین و ڕوسیا داوا کریایە ناو تابلۆگە ئاڵشت بکریەێد.
هەر جۊر لە هەواڵەگەی ماڵپەڕ نیویۆرک تایمز هاتیە وەرپرسەیل مۆزەخانەگە باس کردنە، ئیرنگە گونجیاگترین وەختە ئەرا ئاڵشتکردن ناو تابلۆگە ک وەگەرد وێنەی ناو تابلۆگە بگونجێد.