کتاوەگە وە ناونشان (گرفتەیل ژینگە لە هەرێم کوردستان) بوی.
دەشتی مەنتک نویسەر کتاوەگە ئەرا ئاژانس شەفەق نیوز وت: کتاوەگە نمایشیگ هویرد ئەرا ئەو گرفتەیلە هاناوی ک کەفتە روی ژینگە لە هەرێم کوردستان، ک فرە لەو گرفتەیلە هەست ک وەشیوەیگ بەد کاریگەری لەبان ژینگە دیرن.
وتیش: لە زاقترین گرفتەیل هەسی کارخانەیل لە نزیک شارەیلە و ئەو تەکان گازە ک لەی کارخانەیلە دەرچن زەرەد وە ژینگەی هەرێم کوردستان رەسنن.
مەنتک وتیش: سەرچەوەیل ئاو لە هەرێم کوردستانیش کەفتنە وەر گرفتەیل فرەیگ لەو بیرەیل نەفتیە، و دیاری کرد ک ئەوە بوودە هوکار بڵاوبوین بیماری کولێرا، وەگەرد جیماگەیل جەنگ ک بوینە هوکار پیسبوین ژینگە لە هەرێم کوردستان، و ئی گرفتەیلە و چارەسەرییان لەناو ئی کتاوە خستمە وەردەس.
هەمیش وت: دەوڵەتەیل هاوسا لەباوەت رەفتار ئاو هەمیشە لەو هوکارەیلەن ک ئیرنگە کاریگەری بەدیگ لەبان ژینگە دیرێد، و ژینگەی هەرێم کوردستان لەبان ئەوە زەرەدمەن بوی، وتیش: وەردەوامی سیاسەت ئاوی و ئەو هوکارەیلە ک باسی کریان بەشداری لە کارەساتیگ ژینگەیی لە هەرێم دەن.
لەلای خوەییش، ئاسۆ شکار سەرۆک ریخریاگ ئاڤیار ئەرا ژینگە ئەرا ئاژانس شەفەق نیوز وت: ئی کتاوە بەر گرنگیگە ئەرا کتاوخانەی کوردی، چوینکە ئیمە کەفیمنە وەر گرفتەیلیگ راسی لە پەیاکردن سەرچەوەیل زانستی وەزوان کوردی لە باوەتەیل ژینگە، و ئومید خوازیمن شمارەیگ زیاتر لەی کتاوە چاپ بکریەێد تا خوەنەوارەیل سوود لەلی بگرن، و ئی گرفتەیلە لەڕی حکومەت و دەسەڵاتەیل پەیوەندیدار چارەسەر بکریەن
٥٠٠ چاپ لەو کتاوە چاپ کریا ک ١٠٢ لاپەڕە ناوی، ک باس ٥٢ گیچەڵ ژینگە لە هەرێم کوردستان کەێد.