وەزیریگ بەریتانی وەرین ئاشکرا کرد ک حکومەت وە شیوەیگ جدی بڕیار لەناوبردن گشت پشیەیل وەماوەی چەن رووژیگ لەوەر دەسی بوی، ئەوەیش لە یەکەمین رووژەیل پەتای کۆڕۆنا.

 جەیمس بیسیل وەزیر تەندروسی وەرین بەریتانیا، ئەرا تەلەڤزیۆن وت: لەو مەوقە دیار نەوی ئەگەر پشی دەسی توەنێد ئەو ڤایرۆسە بارێد ک تویش مەلیۆنا کەس هاورد، و پەک ئابووری جەهان خست.

وەزیرەگە وتیش: لە ڕاسی لەو مەوقە هویر لەو بڕیارە کریا، ک بابەت بوی داوا لە مەردم بکەیمن گشت پشیەیل لە بەریتانیا لەناو بیەن، ئایا ئەگەر ئەوە بکردایمن چە بویاد؟

لە تەمووز ٢٠٢٠، لە لویتکەی قەیران کۆڕۆنا، حکومەت بەریتانیا هوشداری  دادە خاوەن پشیەیل دەسی ک ماچ ئەو پشیەیلە نەکەن، دویای ئەوە ک مایە پشییگ سیامی، بویە یەکەمین ئاژەڵ لە وڵاتەگە ک وە تویشهاتگ بیماریەگە ناسریا.