شەفەق نیوز/ لە ئاواییگ هیندستان،  هەر کەسیگ هەنای لەداڵگ بوود، لەجیای ناو ئاوازیگ ئەرای نریەێد، و ئی ئاوازە بوودە جیگر ناو کەسەگە.       

ئاوای (كونگپونگ) لە ویلایەت میگالایای هیندستان، تایبەمەنی جیاوازیگ دیرێد، چۊنکە گشت کەسەیل نیشتەجی ئەو ئاوایە لە جیای ناوەیلیان وا ئاوازیگ تایبەت چڕیەن.    

ماڵپەر (24 ئیمارات) راپۆرتێگ لەبان ئەو ئاوایە بڵاوكردگە نۊسادە: "ئاوای كونگپونگ لەلایەن رێكخراو گەشتوگوزاری جیهانی وو  گەشتیارترین ئاوای جیهان ناسانیە، چۊنکە سیمای سەوز رەنگینیگ دیرێد و خەڵك جیاوازیگ لەناوی هەس". 

ناونایینبوە ئاواز چشتیگە تایبەت وەو ئاوایە، فرەی ئئاوازیلە لەلایەن باوگەیل  بڕیەێدە باڵای مناڵەیلە، دریژی هەر ئاوازیگ لە ناوبەین 10 تا 20 چركەس.