شەفەق نیوز/ چنگ‌پەری یا فوسیل نەشکیاگ دایناسورێ دە وڵات چین کریا وە دی. زانستمەندەێلە وتنە ئی فوسیلە لاوەکەمێ هن شەس و شەش ملیوون ساڵ وەر ژە یەسەو و ئاوەلیچکەگەێ نامێ هە وەو جوورە هازا و بەزەڵ ماگەسەێ.
ئی جەنینە چمان لە "ترویاد"ەێل بێ‌دنان بییە. ئوپرایتوسورەێلە دە نام‌بەین شەس ملیوون تا سەد ملیوون ساڵ وەر ژە یە دە ئاسیا ئوو ئامریکاێ ژۆرین دژیانە.
وەچگە "بینگلیانگ"ەگە 27 سانتیمتر دریژه ک ده نام خاێ دایناسور هڤدە سانتیمتریێگ پێچ و خڵێف خواردگەسە دەور خوەێیەو چمان دخواستگە ک خاگەگە بتەرەکنێگەو.
دوکتور "فیون وایزون ما" وتگە: وەیجوورە ک دیارە ئی جەنین دایناسورە دە نام خاگەگە جەڕ خوەێیەو داگە هە ئێسەێش مەلەوەرەێلە دە نام خا وەێجوورە دکەن و تووک خاگە شکنن و دەرانە دەر ک یە ددەێگە نیشان ک ئی رەوێشتە هە لە جارانەو بییەسەێ. ئی خا دە ئیاڵەت "گانژو" دە ساڵ 2000 ئوو ده لاخوار چین کریاگەسە دی و وەر ژە یە ک لەێ‌وا دە مل بنەجووری و موتاڵعە بکرێ، نزیکە 10 ساڵ دە ئەماری ئەڵگرتنەسەێ.
ئی سان‌وێنە دە نام "مووزەێ بەرد و فسیل"بینگلیانگ" ئەڵگرتنەسەێ.