شەفەق نیوز/ ژنیگ توومەتبار وە کوشتن کریا، ک دویای کوشتن شویەگەی، کتاویگ لەباوەت خەفەت و پرسە لەبانی نویسان.
کوری ریچینز، لەو مانگەیلە دویای مردن ئیریک ریچینز شویەگەی، ک لەناو ماڵەگەی لە ویلایەت یونان خوەرئاوای ئەمریکا لە ئادار ٢٠٢٢ وە مردگی پەیا کریا، دەسکردە نویسانن کتاوەگەی وەناو (ئایا توو هاێ وەگەردم؟)،
ریچینز ٣٣ ساڵان ئاگادار پولیس کرد ک نووشینیگ ئامادە کرد و داگەی دەرخوارد شویەگەی ک لەناو شەوخەفەگە بوی، و وت: هەنای ئەرا لای هاتگە، و دەس دادە قەی لەشی، نووڕیە لەشی سەردە.
وەشکین پزشکی لەبان لاشەی ئەو پیاو دەرخست ک پیاوەگە لەوەر خواردن فنتانیل مردگە.
پولیس وت: ژنەگە لە یەکیگ لە کەسوکارەیلی داوای چشتیگ ئەرا ئارامکردن ژان کردگە، هەکاتی ئەو هوشبەرە ک مایکڵ جاکسۆن بڕ فرەیگ لەلی خوارد و لەوەر ئەوە مرد.
کوری ریچینز نزیکەی ٣٠ دەنگە حەب فنتانیل کەفتە دەسی، و دویای چەن رووژیگ، شویەگەی وە برادەریگی وتیە؛ گومان دیرن ژنەگەم هاتیە ژەهرخوەرم بکەێد.