کلێر سکانلۆنی تەمەن ٣٨ ساڵ دویای ئەوەگ دادوەر بڕیار کۆتایی خوەی دەرکرد، سزای ١٨ ساڵ زیندانی لەبانی چەسپبا.
سکانلۆن لە ساڵ ٢٠٢١ وە دەرمان دژە خەمۆکی کوڕەگەی وە ناو دیلان کوشتیە، و وەچشت تیژیگ لە سەری و لەشی دایە.
وەپەی هەواڵیگ ماڵپەڕ سکای نیوزی بەریتانیا، لە ٣١ کانوون دویەم ٢٠٢١، سکانلۆن ئاگادار پولیس کردیە کە دیلان کوڕی هەناسە نیەێد.
وەشکین ژەهراویبوین کە ئەرا دیلان ئەنجامدریا دەرخست کە وە دەرمان دژە خەمۆکی میرتازاپین ژەهراوی بویە، کە داڵگی داسەی دەرخواردی، پزشک دادوەری شوین چەقوو لە لەشی پەیا کرد، ک دەسنشان کوشتن ئەو کوڕە کریا.
سکانلۆن دەسپیچگەیل جویراجویر داگەسە بنەماڵەس دیلان و پزشکەیل تا ئەو راسیە بشارێدەو کە لەلی داگە و دەرمان داسە دەرخواردی.
لە رووژەیل وەرجە کوشتنی، سکانلۆن پەیایم سووکایەتیکردن ئەرا باوگ دیلان و نامەیگ دەنگی کل کردوێد، کە وە شویە وەرینەگەی وتیە؛ جاریگتر چەوی لەی کوڕە نیەکەفێد.
هەرلیوا، پولیس دەفتەریگ لەناو ماڵەگە پەیا کردیە کە لەناوی نشان دەێد سکانلۆن پلان کوشتن دیلان و خوەی دیرێد.
ئەو داڵگە دەسپیچگ تاوانەگەی ئاشکرا نەکرد، بەڵام لێکۆڵینەوەیل نشان دەن ک ناکۆکی خیزانی و بیماری دەروینی داشتیە.