شەفەق نیوز/ پۆلیس و بانگەشەی گشتی لە سوید، دوێەکە سێشەممە، وت: دەسەڵاتەگان دەسوەسەر ژنیگ هەفتا ساڵان لە ئوستوکهۆڵم پایتەخت کردن، لەوەر کۆمانکردن لەوە ک کوڕەگەی خوەی ئەرا ماوەی ٣٠ ساڵ لەماڵ زیندانی کردگە.

ئیما ئۆڵسون لە دادگای ئوستکهۆڵم ئەرا رۆیتەرز وت: یەکیگ لە کەسوکارەگانی کوڕەگەی دیەو، ک تەمەنی هاناو چلەگان، پڕ لە زەخمداریە، وتیش؛ شایەت نزیکەی ٣٠ ساڵ لە زیندانی ماڵ بویە.

میدیایل راگەیانن سوید لە زووان کەسوکار قوربانیەگە وتن؛ پیاوەگە لەبان پەتویگ لەبان زەوی خەفتوێد، و دگان لە دەمی نەوی، و قسە وەپی نێەکریەێد، و پڕە لە زەخم و دومەڵ، ئۆڵسون وەبی باسکردن لە ووردەکاریەگان وت؛ ئیسە خوەی هالە خەسەخانە، ومن زانم ک نەشتەرگەری خوازێد.

ڕۆژنامەی ئیکسپریسن و رۆژنامەیلیگ تر وتن؛ کوڕەگە لە تەمەن دوانزە ساڵان لە مەکتەو دەرکریاگە، ودوو رۆزنامە لە  ١٩٩٥ و ١٩٩٦ لەناو ئەو ژوورە دینەو.