شەفەق نیوز/ لە وڵات ئوردن ئەرا ساڵ دۊیەم لەبان یەک پیشبڕکێ شاجوان پشی وەڕێەوچی، یەیش کاردانەوەی گەپیگ لە تۆڕەیل کۆمەڵایەتی لەلی کەفتەو.
وەگورەی ماڵپەڕ " ئەل- وەتەن" لە عومان پایتەخت ئوردن ، لە وەرز دۊیەم پێشبڕکێ شاجوان پشیلە لە ئوتێل " دیز ئین" وەڕێەوچی، کۆمپانیایگ تایبەت وە فروشتن خواردن پشیلە سپۆنسەر پێشبڕکیەگە بۊ.
مەرج بەشداریکردن پشیلەگان لە پێشبڕکیگە ئەوەبۊ ک پشیلەیلە بایەت وە گشتی هۊچ بیماریگ هەڵنەگردبۊ ، و بایەت تایوەت بوود وە وڵاتەگە و هەردگ جۊر مۊ درۊژ و مۊ کوڵ ری وەپیدریاگە، مەرجیگتر پێشبڕکیگە ئەوەبۊ ک نەیود تەمەن پشیلەیلە لە پەنج مانگ کەمتر بوود.
دۊای بڵاوبۊن هەواڵەگە لە توورەیل کۆمەڵایەتی، فرەکەس وە چشتیگ وەخت وەسەربردن و رەنگینی دا قەڵەم، باوجی بڕیگ کەس رەخنە لە پشێبڕکیگە گردن، وەتایبەت لەو وەختە ک وڵاتەگە وە باریگ دارایی ناجیگیر رەدبوود.
فرەیگ لە رەخنەیلە لەبان ئەوە وتیە ک راسە ئیمە پشیلە فرە دوس دیریمن باوجی یە بیجگە لە لاسایی کردن خوەرئاوایەیل هۊچتر نییە، پشیلەیل کەرەستە نین و ئەرا بازیکردن و نەمایشکردن دروس نەکریانە.