شەفەق نیوز/ پزیشکەیل خەسحانەی ئۆسترالیا لە پسیایگ دەگمەن کرمیگ هاوشیوەی مار لەناو مێشک ژنیگ دراوردن کە ئیە یەکەمین حالەت لەی جویرەس توومار بکریەێد.
وەپای خەوەریگ لە ماڵپەڕ حەدەس، پزیشکەیل خەسخانەی كانبێرا لە ئوسترالیا نەشتەرگەریی مێشک ئەرا ژنیگ ٦٤ ساڵ ئەنجامدانە و کرمیگ هاوشیوەی مار دارکردنە کە وەپی ئویشریەد "کرمی مار" ئیەش یەکەم حالەت پزیشکی لەی جویرەس تووماربکریەد.
وەپای خەوەرەگە ، ئەو ژنە لە ساڵ ٢٠٢١ ژانەسەر تونیگ و زگچوین و قوتە داشتیە، لە ٢٠٢٢ تویش خەمۆکی و لەهویرەوچین بویە، لە دویای وشکین دەرچگە کرمیگ لە مێشکی هەس و لەری نەشتەرگەری دراوریا.